કઝાકિસ્તાનમાં 100 લોકોને લઈને જતું વિમાન ટેક ઓફ બાદ ગણતરીની પળોમાં ક્રેશ, 14ના મોત

અલ્માટી: કઝાકિસ્તાનના અલ્માટી શહેર પાસે આજે બેક એર કંપનીનું એક વિમાન દુર્ઘટનાગ્રસ્ત  થયું. એરપોર્ટના અધિકારીઓએ આ જાણકારી આપી. એએફપીના જણાવ્યાં મુજબ આ અકસ્માતમાં અત્યાર સુધીમાં 14 લોકોના મોત થયા છે. જ્યારે 9 લોકો ઘાયલ થયા છે. જેમાં બાળકો પણ સામેલ છે. મંત્રાલયના જણાવ્યાં મુજબ વિમાન ટેક ઓફ બાદ નિર્ધારિત ઊંચાઈ સુધી પહોંચી શક્યું નહીં અને સંતુલન ગુમાવી બેઠું. અને બે માળની ઈમારત સાથે ટકરાઈને દુર્ઘટનાગ્રસ્ત થયું.